新浪最紅既三姑神出鬼沒，見首不見尾。究竟點解？真相究竟係點？本文會為大家披露釋疑。
探子回報，爆出一驚天大機密，本人只好暫時按下寫作中的「書緣－－小說篇」不表，為各位報告三姑既最新下落。
先睇一睇三姑年頭推出既呢篇重量級經典文章「咸片」，相信唔少人不單睇過，重留左幾句，我就響第76個post。
勢估唔到大半年後，呢個地方竟出現三姑篇鴻文既最後幾段。
邊個抄邊個，好明顯。天下文章一大抄，你抄我時我又抄。文章版權為何物，難有公論。之不過，寫文殊不易，字字皆辛苦。就算抄文，起碼都要提下原作者同出處（見二元兄的盜文廚子陳祐松？）。
奇就奇在，三姑個blog叫Silly Wong's Diary，抄文既叫做Silly Fei's Diary。駛唔駛抄得咁足？定係另有內情？
莫非三姑其實係個男人，使用分身大法，一個姓Wong，一個姓Fei？
本人傾向相信，三姑只係被人生擒左，為求自保，只有將佢特有既三姑病毒傳染左俾某君（至於點傳染，本人不願猜測），所以blog名同文章內容，都俾人抄到十足十，其實係三姑上身。難怪三姑最近響口水箱留言: 各位：我重未死呀！不過上網就有D輪盡，所以呢排至玩失蹤o者~:P
被人捉左，肯定有口難言。相信三姑已不幸成為禁臠，希望佢提及既咸片故事內容，無響佢身上發生
相關文章
