香港新浪網 MySinaBlog
« 上一篇 | 下一篇 »
譚劍 | 25th Jan 2007 | 電影男, 港事顧問, 影像分享, 傳媒轉載 | (2370 Reads)


繼要持平報導同志既節目後,廣管局又獻新猷,呢次話要刪去經典愛情片「秋天的童話」入便,發哥飾演既船頭尺入便講既粗口。

講粗口是否等於鄙俗,唔入流,無文化,根本唔係一個見仁見智既問題,而係關乎欣賞者有無文化修養,能否欣賞世界係五顏六色多姿多彩先係美麗。粗口唔只係文化,亦係一種語言暴力,更係身份地位既象徵。你話,曾特首突然響議事堂同長毛用粗口互罵,一定係好X大鑊。

正如o岩o岩入圍奧斯卡既「無間道風需」,入便粗口成幾噸重,唔通日後響電視播又刪鬼左佢?咁不如唔好播好過。

幾年前有一齣戲,好X正,不過唔知廣管局班好有文化既官有無睇過,叫做
25th Hour,執導既係著名黑人導演 Spike Lee,據聞成個紐約既人(包括流浪漢)都睇過。Edward Norton做男主角,佢衰走私販毒,要坐監,故事就係講臨入冊廿五小時前既心路歷程。

響美國坐幾年監,預左唔會有好日子過。Edward Norton 預左出唔番黎,難免憤世疾俗。其中一場戲響廁所入便,對住塊鏡長篇獨白,乜X人都鬧,五分鐘入便爆左成
四十幾個 fuck 字,堪稱創下電影史上一場戲入便一個人講最多粗口既記錄。

睇左條片之後,大家應該都會同意,呢場戲無左個 fuck 字,重邊X度好睇,點表現條友咁X慶,正如我聽到廣管局要閹割「秋天的童話」一樣咁慶。真係要搞意識型態既野,真要撥亂返正,不如管下八婆雜誌好過啦,期期封面都咁無聊,簡直浪費地球資源。

相關文章:
『閹割「秋天的童話」,廣管局唔X化』一文竟然見報